نعی فی رثاء الائمّه
یعبّاس خویه انشل ضعنّه
او بالطف تشتّتنه امن اهلنه
او ضیّعنه شیّالت حملنه
من شوفت اعزاز انحرمنه
...
اخیتک وحیده او ودعتهه
او بین الغرب زینب عفتهه
وینک کفیلی عذّبتهه
مبتلیه بعیال اترکتهه
...
من طاح ابو السجاد املنه
ابسرعه الکفر حرگوا خیمنه
اطفال تتلاعه انشعبنه
اخلافک یبو المّه انهظمنه
...
ابکربلاء ما کو شفاعه
عطشانه الاطفال او تلاعه
اذکر لبس ثوبه او وداعه
او جثّته داسوها ابصراعه
...
اللّه ایساعدچ یا من تونّین
امضیعه واحد من تحزنین
یاروحی هلی کلهم مجفیین
حدر الثری و المن تبارین
...
اباری الضعنهم من نسونی
و امن البچی راحن اعیونی
اعتب علی الما ودعونی
وی ناس غربه تارکونی
...
وینه الیعازینی ابدمعته
اعلی اخوی الذّی حزّوا رگبته
فوگ الرمح راسه او ندبته
یعتذر و اتعذّب چلمته
...
یا دار وین اهلچ جفوا وین
عباس وینه او وین الحسین
جفونا او خلونه محزنین
واعیالهم کلهم مساجین
...
اخوتی چتل و انا سبیّه
موته بگو بالغاضریّه
سار الضعن و انا اشبدیّه
اطفال او نسه دارت علیّه
...
بین الغرب و اهلی نسونی
اعتب علیهم ضیّعونی
اویاهم و اباری ما خذونی
او من سافروا ما ودّعونی
...
یهل الغدر گوم آل امیّه
کفّار ما عدکم حمیّه
و احسین ابن سید البریّه
گطعیتو راسه ابن الزچیّه
...
یشّیال تابوته ارد احاچیه
اخوی العزیز او جیت امر بیه
ما ودّعیته او ردت انادیه
ابطن الچفن بس خلنی اشم بیه
...
ذکریت اخوی او سر دلالی
اتضیع الاخت من غیر والی
فدوه اله کل مالی او حلالی
و ابکل مرض ثوبه شفالی
...
طگنی الوکت دهورنی منساه
تابعت اخوی ابن امّی انخاه
بس شفته جالس گلبی شافاه
ریحت ابوی اشتمهه بشفاه
...
لیش ابن ابوی ابحزن داره
اخلافک یخویه مالی چاره
بس باقی بوجوده مزاره
شال الذّی دیوانه اماره
...
ذکریت اخوی او گلت امر بیه
اهمومی چثیره او ردت احاچیه
لگیته مریض او ماد رجلیه
جرحه غمیج او جیت اداویه
...
الما بیه محنّه ما اریده
اتلفّه المره مثل الطریده
مخلوس و اتگوده ابحدیده
لو مال ضربتّه ابجریده
...
البیه غیره لخته واجبی انخاه
و الینکر امّه او ینکر ارباه
بالدرب لو ممدود و الگاه
غریب اعامله و اتساعد و اویاه
...
البضیجتی تارکنی و ایشیه
ما اگول اخوی او اعتمد بیه
ابحرثه او غریب ابیوم الاگیه
گلبی ابتعد ما بعد اواسیه
...
اسف علی اخوی ابهویّه
او یعدای صار او هد علیّه
یتشمّت ابضیمی ابردیّه
ما اریده یدفن جثتی الیّه
...
الاودّه اکل نجّس الماعون
اسف خذه حچی الیکرهون
حیف العلی حاسد او مجنون
اویه اعدای بسهام او یرامون
...
شاعر اهل البیت: جاسم ثعلبی ( الحسّانی) 27/05/1400
:: برچسب‌ها:
نعی فی رثاء الائمّه ,
:: بازدید از این مطلب : 1293
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
